Taekwondo coach training tenzükogo

Dimapur, April 19 (TYO): RMSA kübok tetsür kaketshirtem class 9-10 nung azüngertem nem pei sasa kümzüka litetsü asoshi training agütsütsü nükjidong nung state ajunga nungi Taekwondo coach 50 shi-i nem anogo asem RMSA seminar aser refreshers course agütsüdar. Iba sentong ya Nagaland Taekwondo Association (NTA)-i achaayanga IG Stadium, Kohima nung Bodhbarnü nungi Hokolbarnü tashi akatsü.
NTA General Secretary, Lhouliebeio Khezhie-i tanü coach tem semdanga parnok ajungshia liasü. Pai parnok dang anogo asemnü tesayuba balala agütsüba nendaka angazüker oa pei aliba tesem nung kaketshirtem dang Taekwondo sayua angazükdaktsütsü asoshi ajungshi.
Pai maneni RMSA dang NTA yariba asoshi pelaba lemsatepa liasü.
State Taekwondo coach, Theja Keretsu aser Visabeiu Peseyie nati cours balala agütsüdar. Mezüngbuba anogo nung NTA ketdangsertemi training nung adenertem semdanga liasü.