Tain akümtsü asoshi inyakyim ka – T. Ken 131:1-3.

Kenü anogo Dawid chuba ki ajanga oya liasü, aser Pai tanur ka ajepba angashi. Kechi asü? Parnok yimsü ama tanurji mama atokba mapang liasü. Tetsü-i ashi, “Tang, kü chir, na tain kümdaki, aser tang mama atoktsü mapang lir”.Tanuri ashir, “Nai ni meimer; nai ni sempar”. Dawid pa mendeni ao aser iba ken 131 ya zülu.
Ajak den tebilemtsü, asenok meindang tain kümadoker-asenoki mama toktsütsü tenüngdaktsü. Na asoshi Tsüngremer nükjidongji na tashi (mature) Kümdaktsütsübaji lir. Asenoki tongtipang ta bilemba toktsütsüba Tsüngrem inyakyim lir.
Nai tanur ka dang tetsü dak dang metaloker taküm tepiyong malitsüla ta koda angatetdaktsütsü? Meimba agi asü? Au!saka pa aintsüla, nisung ka akümtsüla anungji ibaji asenok dena lir. Tsüngremi asenok nem tajungtiba agütsüner, aser pai aginübaji asenoki Pa nem bendanga agütsütsüla.Pai T.ken 131 nung tanur tetsü nungi aienbaji tesama masü, Pai tajangzük angu. Pa taküm tuluba dangi adok. Yamaji Tsüngremi asenok akabatem asenok nungi agienbaji itemji majungba agi masü saka item jaki asenok tajungtiba nungi sotter.
Tsüngremi na sot nung nai ajeper, ya bilemtetang:Pai na soter. Pai ashir, “Ni anasai arung tainba taküm (mature) nung adokdang aser asenok külemi odi”.
Tsüngremi Pa chirtem tain tamanger kümdaktsüner aser Yisu mesük lidaktsüner. Kodang Pai na ne taküm langka nungi piladaktsüner tashi angaba tanur ka kümang.Pai na renemdakjang aser Pai na asoshi kechi renemja kar iba asoshiji terenlok kaa liang.