Taiwan aser Nagaland yaritepa aou industry ajungkettsü

Dimapur, May 28 (TYO): Ambassador of Taiwan to India Chung Kwang Tien aser Nagaland Chief Minister Neiphiu Rio na tanü Nagaland House, R.K. Puram, New Delhi nung ajurutepa senden ka amen.
Aou dak sendakba maparen nung yariteptsü atema tanü Taiwan ketdangsertem den sendenji amen. Iba mapang Nagaland aser NE region nung bamboo industry ka lapoktsüba nung Taiwan-i yariteptsü atema tebilembatem lemsatepdang Dimapur, Nagaland nung “India- Taiwan Bamboo Technical Centre” ka lapoktsü shidang.
Iba Centre ya Taiwan nung amenoka aliba company den yaritepa NBDA-i lapoktsü jembitep.
Chief Minister Rio-i Taiwan nungi mongin nisungtem dang Nagaland nung bamboo industry ajungkettsü atema yaritsü ayongzük.
Taiwanese Ambassador Chung Kwang Tien-ia Nagaland den tesentaktep yanglutsü aser aou industry ajungkettsü atema mulunga aliba metetdaktsü.
Iba mapa atema Taiwan nungi teshimtet telok kati Nagaland semdangtsü telemtetba agi aser tekaratiba nung MoU ka agitsü mulungtep.
Tanü senden nung mendenji Advisor to Chief Minister Abu Metha liasü.
Embassy of Taiwan nungi Frank T.F. Tsay, Assistant Ambassador aser Prof. Dr. Henry H. Chen, Counsellor & Director, Science and Technology Division na aser Nagaland nungi Jyoti Kailash, Principal Resident Commissioner, Imtirenla Jamir, Mission Director, NBDA, Kethosituo Sekhose, Deputy Resident Commissioner, Nagaland House, New Delhi, Kamesh Salam, President of South Asia Bamboo Foundation & Consultant, NBDA aser Dr. Tolto Metha, Team Member, NBDA nungertem aden.