Taiwan leniri la ketdang asütsü Chu shimteter

Taipei,Rongchii 11 (Agencies) : Tanü Rasemnü Taiwan Tir, Tsai Ing-wen-i la office tekolakba ser ketdangsüa reprangtsü aserbo tongtepratepba maparen anir inyaktsü atema takotet nisung ka shimtetogo.
Peisasa yimsü asütsü nükjidong nung asetkong nüjiso atema inyaktsü bilemba kar danga lira ibaji agientsü aser mainland China den yimjung atema tesendaktep yanglutsü asoshi Taiwan Tir, Tsai Ing-wen-i metetdaktsüba sülen anogo ka lir tang la atema inyaktsü asoshi nübo tasenji shimteter.
Chen Chu shiba tang Taiwan anüolentip tsütsü aliba Kaohsiung yimti nung mayor lir, lai April 23 nüji iba mapa agizüktsü.
“Aianutsür Chu-i tongtibang mapa tenzüktsü atema onok kanga dang yongyaseta atatepdagi,” ta osangbener sendena ka nung jembidang Tsai-i metetdaktsü.