Taiwan menoknok nung asür nisung 26 jungogo

Taipei, February 07 (Agencies): Taiwan anüolentip tsütsü Honibarnü 6.7-magnitude menoknok anokba ajanga Deobarnü tashi nung nisung 26 asüba jangjaogo.
Item tasür 26 rongnung parnok nisung 24 tashi ki 17 ben atongtepa asüba ki ka chirepa laodang anenset, ta Xinhua news agency ajanga metetdaktsü.
Lendong nung yaritepertemi iba ki chirepba telung nung nembanga alir parnok nisung 120 tashi kümzüktetogo aser ano maneni bushidangdar.
Honibarnü 6.7-magnitude menoknok ya ali telunglen kilometre15 lur, Kaohsiung county nung anok.
Iba asetkong nung aliba high-speed train karbo iba lendong ajanga mejajadaktsüi anendakja lir.
Iba lendong nung yariteper parnok nisung 600 dak tema lir aser mi den raraba kol 105 den ambulance 44 iba menoknok atalokba tesem nung maneni yaritepdar.
Iba menoknok lendong nung nisung 460 dak tema yirur lir, ta osang kar ajanga ashi.
Tainan nunga ki ti lao aser pongu raksar lir.

You must be logged in to post a comment Login