Taiwan nung dengue agi shirang timba akümer

Taipei, October 24 (Agencies): Taiwan nung May ita nungi tang tashi nung dengue agi shiranger nisung 26,910 kümogo, ta asetkong nung aliba disease control centre sangdong ka ajanga Honibar nü metetdaktsüogo.
Hokolbar nü Kaohsiung yimti nung nisung 150 aser Tainan yimti nung nisung 102 dak putetba zünga, Taiwan asetkong nung dengue agi shiranger tasen 261 putetsemogo, ta department-i ashiba Xinhua news agency ajanga metetdaktsü.
Honibar nü iba tashidak yagi nisung ana süogo aser ibaji zünga tasür ajak agi 122 jungogo, ta department-i ashi.
Sangdong ajangasa ashiba agi, Tainan nungbo iba tashidak ajema kümogo, ajisüaka Kaohsiung nung tali züina aor.
Taiwan nung iba shirang yagi taküm tamajung kongshiogo.
Dengue agi shiranger nisung 24,860 tashi taneptsü nguogo saka ano nisung 34 bo ICU nung yaridar.
Dengue tashidak ya merila ajanga prokshir aser tatsük tesem nung timba adoker koba ajanga tekolak ngodaktsür, temang rongdaktsür, saktsüdaktsür aser shi tetsü o teret teloktep ngodaktsür.