Taiwan Open: Venus Williams 2 buba round-i iogo

Taiwan, February 10 (Agencies): Tang tasayadak Taiwan Open tennis asayamong nung America tsür, Venus Williams-i lar tetenzükba asaya koka tanü, Bodbar nü asayaogo.
Tan asayamong nung temaba jenjang nung alila, Venus-i tanü minute 57 nung points 6-3, 6-2 ngua Taiwan tsür, Lee Pei-chi madak takok angu.
Taoba mapang tongti tennis takok marok 7 tashi agizüka alila, Venus-i lar tanabuba round Poland tsür, Urszula Radwanska den asayatsü lemzükogo.
Ano külen, Russia tsür, Elizaveta Kulichkova-i points 7-5, 0-6, 6-4 ngua Kazakhstan tsür, Zarina Diyas 2 buba round asaya nung tsükdaktsüba sülen quarterfinal asayatsü jenjang anguba osanga jangjaogo.
Tan asayamong nung 3 buba jenjang abener Kazakhstan tsür, Yulia Putintseva-ia points 6-4, 5-7, 6-0 agi Japan tsür, Miyu Kato madak takok anguba sülen quarterfinal-i iogo.