Taj Mahal anasa parking lot agientsü tuyur

New Delhi, October 24 (Agencies): Alima nung nüngshilung Taj Mahal anasa parking space malitsü, kechiyong Supreme Court-i tanü parking lot ka agientsü atema tetuyuba agütsüogo.
Nüngshilung aser tzü-mopung kümzüka ayutsü tenüng nung SC-i Taj Mahal anasa aliba parking lot ji agientsü tetuyuba agütsü.
Parking lot ji environment atema majung ta Supreme Court-i ashi, ta Archaeological Survey of India (ASI) atema okatsür kati osangbener dang ashi.
Taküm August ita Supreme Court-isa state sorkar aija liasü. Uttar Pradesh kübok Mathura nungi Delhi tashi railway track talila ka yanglutsü atema sorkari süngdong 400 lendoktsü lemtet saka ibaji SC-i magizük.