Taj Mahal ni bilemba dang nungia tesüngmangtsü taketba : Zuckerberg

October 27, 2015: Social networking tetsüdi Facebook ngutetsang Mark Zuckerberg-i Agra, Uttar Pradesh nung aliba Taj Mahal Mongolbar nü semdangba sülen pai, “Taj Mahal ya ni bilemba dang nungi tesüngmangtsü taketba lir,” ta ashi.

“Asüng, Bodhbar nü ‘question & answer’ sentong ka akatsü asoshi ni India-i arua lir aser ni teti reprangdangnüa aliba Taj Mahal reprangi ao,” ta Zuckerberg-i Facebook nung pa Taj Mahal nung tangokba noksa ka enokja lemsatepogo.

“Temeim nüngo ki ya ni bilemba dang nungi khen yongi tajunga lir. Nisung dak temeim ajanga tejangraba arudaktsüba ya tesüngmangtsü ka lir,” ta pai shia lir.

Taoba ita India Ato Kilonser Narendra Modi US-i aoba mapang pa jaoksang, Zuckerberg-i Bodhbar nü IIT-Delhi nung ‘Question & Answer’ sentong ka ayonga akatsü.

Iba sentong ya kanga nüngdaka aliba ka lir kechiba süra Zuckerberg-i India ya social media ajanga teti tongtepratepa aliba linük ka lir ta tamalena shia liasü.

“India nunger million 130-i Facebook amshir. Ni parnok den jitepa jembitsü yongar,” ta Zuckerberg-i ashi.