Tajabatemi teti tatem makaba senmangtsü

Kü temeshi purtem shiri tenla ajanga kü den tezüngzüktepba yangluogo, parnok Kü dangi külemi anitenang (T.Ken 50:5).
Aji oda nisung jenti meyong temenen khu abentsü asoshi Khrista ken tenlar külen Pa tanaben temenen meteni, Pa asoshi atabatem dangi tekümtet atema adoktsü. Aji asünung mezüng tezüngzükba raksaba nung adokba tai meyong kümzüktsüsa tasü atalok nung tajabatemi teti tatem makaba senmangtsü tenangzükbaji ngutettsü asoshi, Pa tasen tezüngzükba meyong tetsüngdai aiba lir (Ibri 9:28,15).
Oba, Nai shir kü nem agütsüogo, ni kechi nung lidir, parnoka Kü den alitsü, aji parnoki angutsü, kechiaser alima meyangludang Nai ni meim (Yn. 17:24). Idangji Pai kotak tenyartem yoktsü aser ali tatem külen nungi kotak tatem külen tashi, pezüsülen nungi, Pai teshimtet purtem anitentsü (Mk. 13:27). Nenok jenoka aliba pur kar nüngjang tatemlen oa liaka, idak nung jagi Kibuba ne Tsüngremi nenok anir arutsü (Tazüng. 30:4).
Kechiyong wangshiba agi, tamarenba kotak tenyar ola agi aser Tsüngrem jangzü agi Kibuba pei sasa kotak nungi alutsü aser Khrista nung asürtem tamasa shia arutsü. Idangji asenok taküm alir anünga alirtem anüng nung Kibuba den ajuruteptsü parnok den külemi mepet nung ayipba atutsü. Aser yamaji asenok teti Kibuba den alitsü (1 Tesa. 4:16,17).
Kibuba Yisu, tatem anogo nung Nai ajartem rongnung nia tentettsüsa Na maru tashi ni temenen nungi pilaa amanga lidakjang. Amen.