Tajamul World Kickboxing gold agizüker tanutsütila kümogo

3New Delhi, November 12 (Agencies): India kübok Kashmir nung alir arishi küm 8 tain tetsür chanu ka alima ajunga nung kickboxing champion tanutsütila kümogo.
Italy nung ayonga agiba World Kickboxing Championship sub-junior shilem nung Bandipora district kübok Tarkpora yimtsüng nung alir, Tajamul Islam-i temaba jenjang ngua, gold agizüka liasü.
Italy kübok Andria nung tan November ita 9 nü agiba sub-junior tetoktepba final nung Tajamul-i US tsür madak takok ngua, gold medal-ji agizük.
Final asaya akokbaji densema, Tajamul-i tan asayamong nung tetoktepba 6 tashi nung takok anguba osang angazükogo.
“Sub-junior shilem nung arishi küm 14 ser tekübok tain tanurtem nem dang shilem agidaktsür aser iba shilem nung Tajamul tetokteper tanutsütila liasü,” ta lar coach, Fasil Ali-i kanga pela ashi.
Bandipora nung tentetba Army Goodwill School nung azüngla, Tajamul-i Delhi nung ayongba 2015 National Kickboxing Championship sub-junior shilem nunga gold medal agizükba osang jangjaogo.