TAJCF-i Foothill Road co-ordination committee & F.H.R.C den amalitepa minyaktsü

Dimapur, Aenjeti/January 21 (TYO): Aenjeti/Jan. 18, 2019 nü Tuli Area Joint Council Forum (T.A.J.C.F) senden mena Luchii/December 18, 2018 nü Nagaland Post nung tenemtsüng lenmang tekaraba nung yanglutsü mepeshiogo. Saka tang tashi osang kecha mali aser maparen inyakyonga aoba kechi mali, anungji  Aenjeti/Jan. 18, 2019 nü T.A.J.C.F senden mena ken o asateper, tang nungi Foothill Road Co-ordination Committee (FHRC) aser Nagaland Government den  amalitep malitsü telemtetba agiogo. Tang koba zülu nung tenokdangba kecha malitsü ta agüja lir, ibaji meyipa agitsü. Tenemtsüng lenmang ya Naga nunger ajak atema amai onoki süoki-ia belemer anungji arung asenok ajak longjemti, ta T.A.J.C.F-i ayongzükba, T.A.J.C.F Tir L.Lepzuk.Lemtur aser Secretary M.Mar.Lemtur nati sangdong ka ajanga metetdaktsü.