‘Tajung anogotem’ asoshi küm 25 agitsü: Amit Shah

New Delhi, July 14 (Agencies): Bharatiya Janata Party Tir Amit Shah-i, par yimtenren teloki nangzükba ‘tajung anogotem’ ataloktsü asoshi küm 25 agitsü, ta ashi.

Party-i küm pongu yimsüsüba kija agibo linük ya alima nung temaba jenjangi majungkettettsü, ta BJP Tirisa ashi.

Osang ajanga ashiba agi, British yimsüsüba kübok malidangbo `tajung anogotem` ya India-i ajangshiba akhüm ka liasü ta Shah-i shiogo. Iba akhümji ajangzüktsü asoshi level ajak election nung BJP-i takok angutsü nüngdaker.

Aji oda süaka paisa, Ato kilonser Narendra Modi-i aniba sorkari osettsüset nung jenjang atuba ajemtsütettsü, arrtsülen kümzüka alitsüsa inyaktettsü, bendang linüktem den inyakyim junga latettsü, linük rongsenkettsüng nung terenlok alitsü, mapa agütsütettsü aser sensak tia samatsütettsü, ta ashi.