Tajung aser talubu

Tazüngtsü Lai : T. Ken 16
Ni tanang kanga sapur. Ni chinüba chiyungtsü tanang angudang ni toktsür mouteter. Kodangsa shini melanger aliba tanang oset ni chidir, takümji jangratemtsü ka ta bilemer.
Taküm nung jangratemtsü aika lir. Saka chiyungtsü tajung achidang jangra atemba ama, asen taküm nung jangratemtsü ya khen atema dang lir. Tajung rongnung tajungtiba ka süaka, khen lirbo tazüngla aser tesasatsüang kümdaktsür. Anungji Tenüngsang Ken zuluri “ Na kü Kibuba; ne dak alema tajung kecha melika” (T. Ken 16: 2) ta ayimoktsür aser iba o yagi jangratemdaktsür. Asenoki metet Tsüngremji tajung lir. Saka Paji asen taküm nung tematiba tajungji lir ta naia kodang shidanga ali ?
Dawidi Tsüngremji atangji tajung yutsüsang, asen tajungtiba agütsüsang, asen taküm wazüka tetuyur, taküm lenmang metetdaktsüsang. Iba dangji ni tajung ta ajar.
Tia makatsü kaji, aiben asenoki Tsüngrem tatem makaba tajungji agizüktsü alidang, iba den tajemba tajung agi nembanga kodaktsür. Kanga kara samaa aoba tajungtem jagi asenok tatem nungbo jashidaktsür. Tsüngremji dang atangji tajung lir. Aser asen nüngdak ajak asoshi Paji talubosa lir.
Oh! Tendangang Kibuba ajungbaji
Aser Pai kechi inyak aji menakdangang
Anasa arung aser nü tenüngsang Pa nem agüjang
Temeshiba, tematiba yimsüsüsang, mulung lemtetsang.