Takok otsü ; -Mathi 20:17-28

Aser sorobangru nung nisung ama kümer, pei sasa ajemalu küma, tasütsü akok, oda kangki nung asütsüa tashi anga aküm. Filipi 2:8

Süjen nungi takar tashi office tanür nungi nisungi takang president tashi süngtüm taktang nungi White House tashi- item ya America nunger tulu akümba takok otsütem lir. Ken ken asenoki tulu akümtsü bilemer. Kodang akümtsü? ta kü sasa asüngdanger. Nai takok angutsü asü?

Idangji ni Kibuba takok anguba otsü bilemdang. Kotak nungi alima tashi; Takoksang Tebu Tsüngrem teka tajichilen nungi aluyimer tetsü ka aser Bethlehem nashi su ka tashi; nüngtuku nungi tesempa agi kangki nung angenloktsüba tashi! Aser item ajak ajanga Kibuba Yisu Pa meketa alir ajak kümzüktsü mazüngi liasü ni angu. Kiyir Benjung parnok asoshi Pai yangluba yi bilemdangang; meyirijang pungu dak tali ayi ma nung mener Pa anganüba amtsük aser shii achi; shiranger aika Pai agütsüba tanebtsü agizük; Pa nütsüng 12 chiyongba langbang meketa mener takok asoshi olangtepdang Pai parnok tetsüng shidoktsü.

Iba sülen ajak asoshi tenzükba mapa tematibaji aru: sepoytemi Pa menütsü, putirtemi Pa dang Laishiba nungi jembi, aser Pai ajak menen bener kangki nung gojal agi angendang tasü mait nütsüngtem Pa nungi jena ao.

Ibai asen Kibuba takok otsü. Atangji, Pa ano tasü nungi shia aru aser kotak nung chuba menden nung amen. Saka kodang Pai kangki nungi kodang Pai “Ibai renemogo” ta ayimten Pa tekümtet mission tejangja aküm (Yn. 19:30).

Kibuba Yisu, Tanela Temeshi ain ajanga Ne takokba otsü kü tekümtet tamang aser ajemaluba mapa inyakdakjang. Amen.