Takoksa angur nem senotsü teyari agutsü

Mokokchung, Aami/June 14 (TYO): Aami/June 10, 2018 nü arishi küm pongu (5) tetsür chanu ka dak tashiyim agi mapa tamajung inyakba dak sendakba keno/maparen nung senotsü teyari (compensation) sen lakh ka (Rs. 100000/-) Mokokchung Deputy Commissioner office nungi June 14, 2018 nü agütsüogo, ta osang ka ajanga metetdaktsü.
Iba senotsü agütsüdangji tetsülar kinunger den kulisür; Watsü Mungdang tir Maonginla, Mongsenyimti Senso Telungjem Mokokchung Town tir S. Ramok Ozükum, Retainer Lawyer DLSA Mokokchung I. Imkong Jamir aser S.P office Mokokchung nungi ASI S. Lanuyanger Imsong nungertem liasü. Iba sen ya Mokokchung Addl. D.C W. Manpai Phom ket nungi agütsü, ta osang ajanga metetdaktsü.