Taküm ali piyong ketsü kiyi aodang asemba sobutsü yuner:Gaga

October 28, 2016 : Lady Gaga-i la taküm ali piyong tetsü kiyi aodang asemba sobutsü yuner kechiba süra iba sobutsü nung tesendaktep tapu aika keta lir ta ashi.
Arishi küm 30 tain, Gaga-i, “Aikati tamashi amai bilemtsü saka ni süoshi ka ni taküm ali piyong ayutsüsa aküm nüngbo ketsü, Cynthia kiyi aodang asemba sobutsü yula kechiba süra iba sobutsü nung tesendaktep tapu aika keta lir,” ta Radio Disney den jembiba mapang ashi.
‘Bad Romance’ ken kanga nüngutugu küma tentetla, Gaga-i, ni tobur jungdaktsüba inyakyim rongnung ni kü tepu meyuba ya lir kechiba süra ni electronic Disney toothbrush agi tepu meyudang tangar yimyaji reprangner, ta ashi.
Lai, “Kü ket nung Disney toothbrush ka lir. Nenoki ni asayamenür amai bilemtsü, ajisüaka kü ket nung iba toothbrush pink sentsü ka shitakba lir. Iba brush ji electric ajanga mapa inyaker aser iba toothbrush nung princess noksa pezü keta lir. Ni iba Disney toothbrush agi tepu meyudang nisungtem yimyaji ni kanga reprangner,” ta rasaa ashi.
Gaga tenüng chijibaji Stefani Germanotta lir aser lai kenten sentong nung longpant aser T-shirt tanak asemba ajanga tangari lai züluba kenjang temulung agüja angatetsü amai bilemer ta ashi.
Tangari ni sobuba süoshi ashishitsü akok saka ni atemabo ajakji tetetzü keta lir, ta laisa ashi.
Lai, “Ni asemba süoshi, ni agiba fashion aser osettem ji ni atema tetetzü lir saka tangari ibaji mangateter,” ta ashi.