Taküm Asadangba (A.Shin 21: 13-31)

“Shibai temeshiba aser yimlibilem sülen anitaker, taküm aser tetushiba angur.” A.Shin 21:21
Asenok taküm tajungba aser temaba, anaji teti nungteper. Ana tepilaji metettsü asenok kanga kümdangtsüla. Ozüng ka ama, tajung bushiba nüktong tashiji tajemba kümdaktsür saka among tema alir. Asenoki temba bushiba nung yimya süpar aser tanü ibaji tongtipang kümdaktsür.
Yisui asenok dang taküm nung tajungba shimbaji koda tongtipang ibaji sayur:
“Kechiaser nisungi alima ajak ajangzüker, pei taküm madokra, Pai kechi ajangazüktsü? Mesüra nisungi pei taküm melen kechi agütsütsü?” (Matt. 16:26).
Taküm shimbaji teti asoshi ta Yisui metet. Aji oda, shidakba taküm asadangbaji tajung ta pai sayu.
Temeim kibur, onok mulungsentsü teti aliba oset nung rangloktsü yariang. Amen.
Item ya bilemdangang: Nai tetenzük aser tatembang indang asüngdangba shisadanger asü. Ne taküm nung koba nem mezüngbuba menden agütsür? Mathi 16:26 ji bilemdangang. Iba yagi ne dang kecha ashir?