Taküm Budget session nung Bill 35 tashi benoka agizük

New Delhi, August 12 (Agencies): 2019 Budget Session mapang senden 37 amendang Bill 35 tashi agizüka liasü aser iba ya Bill teimba agizükba otsü ka lir.
Iba Session nung dang Bill 28 benok aser agizükogo aser iba ya taoba küm 10 agia aruba Session rongnung Bill teimtiba agizükba lir, ta PRS Legislative Research ajanga metetdaktsüogo. m
Ajisüaka, tan Parliament session nung benokba Bill ka danga committee ka nem reprangdangtsü atema magütsü. Parliament kübok House anaprong nung Jammu & Kashmir Reorganisation Bill ya ghonda 7 ser minute 4 shi dang olemtepa liasü.
Tan session nung mapang teimba endoka olemtepba Bill ji The National Medical Commission Bill liasü. Iba sülen tanabuba nung Muslim Women (Protection of Rights on Marriage) Bill atema jembidang mapang aika endoka jembia liasü.