TAKÜM KA JI KECHI AJANGA MELENSHIR

ALEMBA – Tajungla, nai phone asüa na? Ni tzü chigoa liasüa to.
NÜKTAPANGTATSÜR – Azü ak adi. Alokba! Kechi repranga liasü, Ne dangi nütsüi phone aiben asür sernung nai magizüker ta nemnema kidangi arua lir. Tsürabur phone ya agizüktsüba to!
ALEMBA – Nai agizükang ta ashi nungbo agizüktsüadi. Saka ni kübu denbo phone nunga aser kidangi sodi aodanga mejembir. Ni pa den o mejembi kümer küm asembuba arur. Joko pa tejak angudang ni mood raksar nung koda! Aser kütsüi call asüdanga khenyongi magizüker. Saka senoset aser tanga nüngdak atemabo ni kütsü dangi call ser nüngdak ajakji lai agütsür. Nüngdaktem ji meperitsü nungbo kidangji ni bombsa yoker.
NÜKTAPANGTATSÜR – Kechi Bomb?
ALEMBA – Rongrong tentsür adi. Chipo aonpo ji achasatsür nung koda! Kiyonger kidanger aser arogopur aruyonga ni kecha hau ta mali nung. Tamasabo ni sodi arur ner kidangi aotsüangsüngla kütsü o kübu nati songtem nung koda?
NÜKTAPANGTATSÜR – Nütsü den jembitsü na?
ALEMBA – Maa, mejembili. Ni tangbo kecha nüngdak maliar. Saka neola tanük ayaterm tashi nung angashiba atema kanga pelar. Ayip janga mejangdi.
(Maneni taruba adok nung…)