‘Taküm Milen’ kaket tanabenbuba menüngshia adok

Dimapur, January 10 (TYO) : Ao Laishiba ajunga adoker küm tenem ajungba nüngtem nung Taküm Milen ta sür kaket ka 2014 nung adok, ajisüaka mezüng adokbaji agimadokba ajanga January 2016 nung tanaben menüngshia adokogo.
Tang adok nung mezüng adokdang metokmeperi kar aliba ajitetba den noksa kar mengujemi aliba nguteta inoksemer adok.
“Iba kaket ya küm tenem tejaklen asen lenirtem Laishiba ajunga adokdang koda timtem agia inyak, iba den alima nung Laishiba mezünglen koma adoka timtema inyak item indang lipok otsü shisema alinungji tarutsü lanu Putu asoshi lungzük ka asütsü ta apijema tanaben menüngshitsüsa aküm” ta Dr. Tali Aoi iba kaket tanaben menüngshia adokdang shisem.
Iba kaket ya sen 150 agi item tesemtem nung angutsü:
1. Eastern Book Depot (ABAM) Mokokchung.
2. Students Book Center, Near Supply Office, Kohima.
3. Woodland Handicraft Union, Jail road, Kohima.
4. Paradigm Book House, Riverbelt Colony, Dimapur.
5. Signet Books, Circular road, Dimapur.
6. Classmate, Changtongya Town.