Taküm Nagaland nung tzünglu talila shilem 72.68 tashi aruogo

Dimapur, Luroi/August 02 (TYO): Taküm küm tenzüker nungi tan ita tashi nung Nagaland nung tzünglu shilem 72.68 tashi aruogo. State nung 2018 Aenjeti/Jan 01 nungi Chiteni/July 31 tashi nung aruba tzünglu ajak agi shilem 72.68 tashi, ta asadangtettogo.
Department of Soil & Water Conservation ajanga tzünglu aruba data record asübaji, State ajunga nung normal (long term average) mm 640.1 dang nungibo tzünglu teyari ka aruba tasazükji mm 1105.3 tashi arua liasü.
Dimapur aser Meluri observatory dak alaka, Nagaland nung tanüngba meteorological observatories 15 nungi ita trok tashi tzünglu sashia aruba record süa liasü.
Kasa mapang nung Wokha district nung tzünglu talila (departure of + 347 per cent from normal) aruba record süa liasü. Ano Nagaland kübok Mokokchung district nunga tzünglu timtiba (highest rainfall 1574.5 mm) aruba record süa liasü.