New Delhi, January 8 (Agencies) : India otsü nung tan mezüngbuba atema bendanger linük ka nungi sepaitemi Republic Day Parade nung shilem agitsü.
Osang angazükba agi, French Army telok kati taküm Republic Day Parade nung Indian Armed forces den külemi shilem agitsü. Iba telok ya tang India nung joint military exercise atema arua lir.
January 26 nü Republic Day benjungmung nung France Tir Francois Hollande tongti tesemdanger asütsü. Pai India semdangba ajanga linük ana tsüngda tesentaktep tali akhangshitsü amai imlar.
Indian Republic Day benjungmung nung France nungeri tongti tesemdanger ama shilem agibaji Hollande züngsema nisung pungububa asütsü. 1976, 1980, 1998 aser 2008 nunga France nunger lennirtemi India Republic Day benjung nung shilem agiogo.
Bhutan-ia 1954, 1984, 2005 aser 2013 nung pezüben tashi Republic Day benjung nung tongti tesemdanger ama denogo.
1998 nung India-i nuclear tendangba sülen India den Strategic Partnership yangluba mezüngbuba linükji France.
Anosa, NSG temelaba anguba sülen 2008 küm India den civil nuclear energy cooperation agiba mezüngbuba linükji France lir.
You must be logged in to post a comment Login