Taküm Seret lung

– Imtisungküm Lemtur, Dimapur.

Meimchirtem temenen aser Tsüngrem temeim asadangteti ma?

Na ali rongsen nü nük agi mayimjemi rizüngdang,

Nubor jenti talidak maka nemzüdarji!

Tsüngrem O bo temeli nungi mechioker,

Yimlibilem aser temeim mapa asoshibo nükpoker ka den sako.

Alima tesempatsü asoshibo nemnemba manener,

Saka nai na anasatiba kiyonger dang memeimtetter.

Tangar tashi mait angutsübo tsüngpret,

Pei taküm jenjang seret aotsübo anualem .

Telongjem otsü jempitsübo anogoshia nu chiyongtsü,

Nü mulungsentsübo tenük merem aser tesemba agi sunger.

Na mapa tajung inyaktsü ajungshir sayutsüngir tulu ka,

Na reprangdangra meru-meru aser angpangyim tanela agi sunger.

Memerükba chiyongtsü asoshibo lalushiponger,

Ya tzüraba nübor atemabo na maka-maitter akümer.

Tsüngremibo na tashi temeteter rongnung züngsem,

Nabo teti apu lepdangtsür ka dang.

Nü nem rongsen alia moatsü,

Tsüngrem meyong agutsütsübo mebilemtetter.

Shisatsü nung na sensaker,

Shisakar O bo magizükner.

Alima osang angazüktsübo kanga tzürar,

Temeshi Lai O azüngtsübo mapitetter.

Sobaliba otsü nung na mongin,

Libaliro nungbo kinü tanur ka jenjang.

Tanishir jenjang asoshibo tokteper,

Nübor timtem khuretbo tenüki mangur.

Mapang tajung anasa alidang,

Asen taküm jenjang seret ajanga

Teyanglur Tsüngrem mulung ajitsüsa

Aroka shisadanga alitsü aji asen akümlir shilem.