Taküm Tasen

Anungji nisung kar Khrista nung lira, pa tasen poktetba. Tejenbaji süiogo, ajiang, ajak tasen kümogo. 2 Korint 5:17.
Yisu ne mulungi aitang ta asüngdangba agi na khristan ka maküm. Kodang na tanaben aso, na Khristan ka aküm. Yisui ashi, “Atangji Züngpung ni ne dang shidi, tanaben mesora, nisungi Tsüngrem yimli mungutettsü” (Yn. 3:3). Sarasadem ka ashiba mesüra yimjak nung telemtetba agiba mesüra telemtetba agi card ka sign asüba agi na mekümzüktsü. Tanaben asoba agi dang aji inyaktsü akok. Tenyar Pauli ashir, kodang na “Khrista nung lidir” tejenbaji süitemer. Na tekümtet anguba anogo nung nai menaa aliba temenentem ajak adoker. Yirur na timtema aruba ajak tanebtsü angur. Nai tamakok ngua arua liaka temeim aser agizükba ne meyong akümer. Timtem tekangshi ajak joko mali moatsür.
Kari na tanela nung tanaben asoba tesüngmangtsüji nemaa kümdaktsütsü ashiba nai angashitsü akok. “Tang na “Khristan süa nai tesüiba nung kechisa ajangshia aru ajakji ajangtsü aser ibaji akoktsü mapang agitsü” ta mesüra, “Na tanaben asotsü akok saka maneni na temenen den rarateptsü, aser nai ne tashi mait nung takok angutsü ta yimlar.
Tebilemtsüji shibai na tanaben sodaktsür pa dangi asen taküm aotsü melen aseni merangba agi tanaben asotsü merangbaji lir. Na temenen nungi nüji akümtsü asoshi Laishiba nung tabensa kuli agütsübaji Yisu Khrista aser Tsüngremer chir asütsübaji teperi. Satani ibaji masü ta na mesüzüktsü bushir. Shiba dang nai amangtsü?