Taküm tenla agüja bomb alenloker apoker kati nisung 10 pokset

Maiduguri, July 31 (Agencies): Nigeria anüdoklen aliba Maiduguri yimti nung pei taküm tenla agüja bomb alenloker apoker kati nisung 10 poksetogo, ta tenük küli kar ajanga metetdaktsü.

Nigeria nung Tir tasenbai linük nungi Boko Haram Islamic telokpur ainshidaktsütsü ta sangdongba sülen item kiralongrartem yagi pei taküm tenla-a bomb lendong agütsüba nung nisung noklang aika tepsetogo.

Business inyaker Bukar Shettima-i ashiba agi, iba bomb apokdang pa-a ali nungi ajungchir merepdok. Bomb apokba tesemlenji kanga anasabo ni maliasü, aser iba atema Tsüngrem tenüng asanger, ajisüaka tasümang aika kanga mejungi poksa’er ali sünga ni angu.

Bomb nung mongin police kati ashiba agi, iba bomb alenloker apokba nisungji tebur lir.

Gamboru aonsotsü ayokba tesem nung taxi ka telung nung iba bomb apok.

Civilian self-defense fighter Kabiru Yaro-i ashiba agi, pai tajemba agi tasümang ter belener ao.

Iba ama lendong nung asübaji nisung kwi’ar kanga junga mejangjateter kechiba süra tasümangtemji aika küma poksa’er lir.

Taoba ita nunga iba kasa tesem nung taküm tenla bomb apoker kati nisung 20 pokseta liasü.

Nigeria sepaitemi mapang talang ka sülen mezüng takok ngua inyaktetba osang ka metetdaktsüogo. Parnoki Boko Haram teloki pua aliba nisung 71 kümzüka anir aruogo. Item rongnung timbaka aiür aser tantsürtem liasü.