Taküm Tenla

Aser Yisui ola tulu agi ayimtener külen, Pai ashi, Oba, ne ket nung ni kü nela agütsür. Luke 23:46.
Abrahami par chir Isak tenla agütsübaji “tekülemba” ta amshi (Lipok 22:2,5). Khristai pei sasa tenla agütsübaji alima nung tenla tulutiba lir. Kodang Yisui Pa tanela Tebu nem bendanga agütsü, kotak aser ali Tsüngremi iba tekülemji agizük. Iba indang Tsüngrem chiri Pa tepila O nung ashi, “Tenla aser tenlaba nai maginer, saka ni asoshi nai renemogo.” (Ibri 10:5-7).
Asen temang taküm aliba tenla ka magütsüra Tsüngrem aliba tenla ka magütsüra Tsüngrem tsüngdang tenlaji türunem aketba tenla masü (Rom 12:1). Yisu asüba ajanga asenok dang sayuba tangazükba korangji ibai lir (Ef. 5:1,2). Ano tanga tekülemi asenok Tsüngrem alidak tonga manir. Kodang Yisui pei taküm tenla agütsü taindangba sü ali nungi azük tashi ana küma shima (Lk. 23:46). Temeshitiba taktang joko meshibang! Tsüngrem nem asen taküm tenla ka ama agütsüba tetezü alima mapa memeshiba mapai asenok mesüzükdang masü ta songtemba lir (Rom 6:13,19). Ibai tebenja ajanga aoba lir. Laishibai asenok dang pei sasa temenen nung asü aser Khrista nung taküm alir ta züngshiang (Rom 6:11). Iba yagi anogo shia tajung kümdaktsür- Deobar tajung, Hombar tajung… Good Friday, Good Saturday!
Kodang Yisu tasü nungi shia arur mezüngbuba nütsüngtem dang ashiba oji, “Ajak junga liang” (Mathi 28:9). Parnoki Pa tsüngdang apudaka Pa külem.
Mary Magdalene-i atsüki inyaker kati jembir ta bilem. Saka kodang Yisui “Mary” ta aja lai Yisu ta ajitet aser tepela agi, “Rabboni” ta ayimten (Yn. 20:15-17) temeim sayu.
Kodang Yisui Thoma dang Pa tarak sayu, pai ayimten, “Kü Kibur, kü Tsüngrem” süngmangba sayu.
Kü teka, kü tetsüng agiang aser nai mulungba nung arakzüdakjang.