Taküm UPSC tatidang nung ‘paper admit card’ magütsütsü

New Delhi, December 13 (Agencies): Taruba Hokolbar nungi tenzüktsü aliba civil services main examination nung paper admit card magütsütsü ta Union Public Service Commission (UPSC)-i metetdaktsüogo.
Taküm candidate temi pei indang e-admit cards download asütsüla aser iba sülen pei sasa menüngzüktsü, ta UPC-isa metetdaktsü.
December 18 nungi 23 tashi UPSC-i linük nung centre 23 nung tatidang tongtiba agitsü. Tanga mapatem alia Indian Administrative Service (IAS), Indian Foreign Service (IFS) aser Indian Police Service (IPS) atema civil services examination ya shilem asem – preliminary, main aser interview lemsar agir.
“Commission-i www.upsc.gov.in website nung e-admit cards enoktsüogo. Candidates-i pei indang e-admit cards agizüktsü aser menüngzüktsü metetdaktsür. Pei tatidang agütsütsü atema lemzükba tesem nung candidate temi pei indang e-admit card menüngzükba bener arua sayutsüla” ta UPSC sangdong ka nung metetdaktsü.
Taküm civil services preliminary examination atema candidate 15,000 shima lir.