Taliban-i Afghan police 125 chiokogo

Kabul, July 26 (Agencies): Taliban teloki Badakhshan province nung Honibar nü pua ayuba police 125 anogo ka lir külen Deobar nü parnok ajak chiokogo ta ketdangsertemi ashi.
Kabul nungi kilometre 300 shi pilar aliba iba province nung asem nü raraba sülen police-tem Taliban den aden, ta media ajanga osang proka liasü.
“Taliban teloki police 125 prongla Deobar nü Wardoj district kübok Tirgaran tesem nung chiok,” ta district nung angh Dawlat Mohammad Khawar-i Xinhua osangbenertem dang ashi.
Badakhshan nung police tekolakba General Baba Jan-i, ketdangser kari Taliban telok den tenangzüktep kar ayuba atalokba sülen military base ya item kiralongrar telok nem amouktsü ta osang kar ajanga metetdakja liasü..