Talila Talubusa

Tang, asenok dak inyakba ain amato, shibai asenoki asüngdangba aser bilemba ajak dang kanga tali inyaktsü akoker. Efesa 3:20.
Tsüngrem asoshi aser Pa arogo asoshi mapa meranga inyakba agi asenoki Tsüngrem peladaktsür ta bilemer. Aji saka Tsüngremi nisung tesüngmangtsü ka yangluba nisung tejangraba agi Pa peladaktsür (T.Ken 8:3-4). Tsüngremi na ajanga inyakba mapa dang nungi tuluba nai ne sasa ne alizüng ayutsü makok. Tangar dang nungi tali Tsüngrem peladaktsütsü asoshi Tarsus nunger Saul mapa tangar dangi tali pai meranga inyak, saka pai meranga inyak nung Tsüngremi pa taküm asoshi inyakba den medemdang dang pa mapaji jana rüja dang liasü ta pai bushitet. (Fil. 3:7-8).
Asenok tebilemtsüji aseni yangluba sentong nunga aseni melamela jangratemer. Asenoki tamaren mapa inyaktsü merangra asenok taküm nung tashi teperi akatsüla, iba jagi Tsüngremi asenok dang pelatsü ta bilemer. Tsüngrem nungi tajaba asenoki mangashi tashi asen taküm indang asenoki nükla dangi arutsü makok mesüra Tsüngremi asenok ajanga ataloktsütsü taaka bilemtsü makok.
Asenoki bilemba dang nungi Tebui Pa aini asen tashi mait atendanga oa angur ta asenok sasa bilemtettsü tenüngdaktsü lir. Asenoki asen tebilembaji tesülen yutsütsüla. Asenoki asen pungmangtem nung temulung süa malitsüla kechiaser itemji kechi koma jangratemtsü südir süang teti atema masü. Kodang asenoki Tsüngremi tuyuba nung odir asen taküm nung Tsüngrem mapa inyakba aseni metettsü aser ibaji Pa tashi ain dena aliba ajanga dang rasaa ashitsü akok. Ajak nung asenok koda temulung süa alitsü?