‘Talvar’ film ajanga sen crore 5.75 aazükogo

October 4, 2015: Meghna Gulzar-i direct asüba ‘Talvar’ film ajanga 2015 küm asoshi Bollywood nung mopungsem tasen ka melentsüogo.
‘Talvar’ film nung tongti shilem agirtemji Irrfan Khan aser Konkona Sen Sharma na lir aser iba film atema nüburtemi kanga bulua jembidar.
Film sayar tanü tashi nung sen crore 5.57 ang aateta lir.
‘Talvar’ film yagi tang Akshay Kumar-i tongti shilem agia aliba ‘Singh Is Bliing’ film aser Kapil Sharma-i shilem agiba film ‘Kis Kisko Pyaar Karoon’ na den toktepdar.
Talvar film nung tetsür tain lunglung ka, Aarushi Talvar nisung kari kanga mejungi tepseta entokba bushidangba otsü lir aser film nung Tabu-ia shilem agia lir.