tamakok Angudang temulung makai makümtsüla

Aser pai temeshidak senji toktsür ao; aser pa oagi pei sasa soseta asü. Mathi 27:5
Taküm nung tejashitsü lendong. Tejashitsü otsü. Tejen Lai nung Saul taküm otsü bilemtetdi. Israel nung chuba asütsü mezüja shimtet, pa taküm aser tebilemba tetsübu aser tenük merem agi melenshidaktsü aser teti asoshi teraksa nung tembang. Yihuda Tsüngremi jatet. Pa Yisu tsüngsü nung jajatsü shimtet aser nütsüng ter ana rong nung dener küm 12 Yisu den jaja. Pai Yisui sayuba angashi aser sayatenya inyakba angu. Yisu Khrista leniba kübok pa medemertem den chiyongtsü lemsatep, pelatep aser tejashi nunga lemsatep.
Tang Yihuda aitsüba ngur jashia sen tatsük semerji temaba putir dangi bener arua, ni tai maketba zü tokshiogo ta shia temaba putir nem meyipa agütsü. Temaba putir aser tamburtemi ashi, “Onok asoshi aji kechi sütsü? Aji nü sasa süang!” (t. 3-4).
Koda Yisu den aliba tembar ka iba jenjang yagi aru? Iba temenen tila ka nungi tenzük asü? Yisuji asen Kibur aser Kümtetdakba ta pai mangatet asü? Pai tetsübu aser arendakba agi pa tamangji kokdaktsür asü? Mapang ajak nung Tsüngrem tembartem atsür aoer aser telungjem raksatsür. Ibai temulung raksatsü ka lir.
Asenoki tamakok nguaka, temulung makai makümtsüla. Anungji Shibaisa tamakok nguogo ta bilemer Yohani ashiba o dangi meyipang.