Tamakok tsübuba agi takok angur:Alia Bhatt

Mumbai,  November 03, 2016 : Tang “Dear Zindagi” film atema renemshia alila actress Alia Bhatt-i, tamakok ajanga ni takokleni aoer, ta ashi.
Brihostibarnü Alia dang la sapurtemi lai tamakok koma agir ta asüngdangdang Alia-i parnok dang tasüngdangba kar asüngdanga liasü.
“Tamakok angutsü tsübuba agi takok ngua aoer. Anungji ni tsübur, saka iba jagi ni ajungmesor,” ta Alia-i ashi.
Ano Twitter amshir kati arishi küm 23 tain, actress Alia dang la anema jembiba nisungtem den koma asür ta asüngdanga liasü.
“Nisung ajak dak na atema bilemba shidangtsü temeten lir anungji item nisungtem den kecha balaka ashishiteptsü nüngdak madoker. Nü sasa na angateter indang idanga alibaji tang tongtibang lir,” ta lai langzü.
“Dear Zindagi” film ya Gauri Shinde direct asü aser iba film nung Bollywood superstar Shah Rukh Khan-ia tongti shilem agia lir. Arishi küm 51 tain, actor Shah Rukh Khan aser Alia Bhatt na külemi shilem agiba filmji ibai mezüng lir.
Shah Rukh Khan-i shilem agiba film ni meimbatemji “Dilwale Dulhania Le Jayenge”, “Kuch Kuch Hota Hai”, “Chak De! India” aser tang, “Dear Zindagi” film tem lir, ta “Highway” film nung shilem agia alila, Alia-i ashi.