Tamalen Plusnet amshir dang bill tali meshiba ajanga senchi £880,000 achi

March 22, 2017 (Agencies): BT indang Plusnet ajanga internet agütsür aser tamalen iba service amashir nisung 1,000 dak tali dang bill tai meshiba ajanga sen £880,000 senchi achi.
Plusnet service amshiba anener mapang talangka oaka parnok costumer dang maneni bill meshiba ya Ofcom ajanga bushisüngdang asüba mapang putet. Iba mapang costumer dang sen £500,000 dak tali meshiba temai adok.
“Costumer dang bill tali meshiba nung aibelener asoshi telemsa kicha mali aser tatok mali,” ta Ofcome indang costumer group director, Lindsey Fussell-i ashi.
“Iba senchi ajanga telecom company tem dang iba ama mapa meinyaktsü asoshi tesayuba agütsür, mesüra timtem ajurutsü,” ta director-isa ashi.
“Iba bill tali meshir costumer 1,025 dang onoki taitok meshir. Aser iba ama atalokba asoshi sasa bilemer. Onoki sen meshia aliba tanaben meyiba agütsütsü asoshi akok tashi inyaktsü,” ta Plusnet indang odongdar kati ashi.
Bill tali meshia aliba costumer 356 nem sentong shilem 4 agi tali temloker sen £212,140 agütsüogo. Tanüngba costumer nem magütsütetba sen ya angadi teyari agütsüogo, ta osang ajanga ashi.
Iba senchi sen ya Treasury nem anogo 20 tsüngda agütsütsü.