Tamang agi tenük lapok

“Aser kodang pa kidangi ait, nükpokertemji pa dangi aru. Aser Yisui parnok dang ashi, “Ni ya inyaktettsü ta nenoki amanger asü?” parnoki pa dang ashi, “Hau Kibuba”. Mat. 9:28

1998 ABAM sentong ka akaba mapang adianu Watiba ta sür nükpoker ka arua lokti tekülem mapang nung pai ni iba lima nung tenük tapok taküm ka süaka Tsüngremi pa meshimetsür mekükdaktsü, pa nüngdak ajak nung Tsüngremi teti yarir, anungji ni meshimetsür masü ta leplepa shir, pai ken ka “iba lima nung ni tenük tapok, alima tobur tajung menguaka saka nükpokertemi khenü angutsü, kümtetba ajurur Yerusalem nungji lokti jakdang nokdaker adendang ajak tokolak anguma lur ola madoki nüktzü yima pai atenba ken angaba yimdangi arua bilemteter. Asen Kibuba Yisui alima nung taneptsüba jenti inyakba rongnung nükpoker nisung jenti tenük lapokja aneptsüba osangtajung kakettem nung angur, aser item ajak nungji parnoki pei tenük agi Yisuji nuguaka par tamang agi Pa dak amanga ranglok nungji adangji parnok shih aser tanela anaprongla tenükji lapok. Adianutem, asen adianu Watiba daka iba kasa tamangji akaba asenoki pa taküm kuli ajanga angateter. Na ashiko shih tenük jagibo alima tobur tajungji nguya alitsü, saka kotak tobur ajungji mengutettsüsa nükpok tia nung ali asü? Nai khen shisadangang.

Sarasadem
Kibuba Yisu Ne dak amangba nungi kü taküm nükpok tia nungi nüchi taküm dangi anir ta ni metet. Iba tamang nung alitsü Nai ni yariangma ta sarasademer. Amen