Tamang nung nokdakba taküm

“Onok nenok tamang madak Kibur masü, saka onok nenok tepela asoshi teyaritepertem lir. Kechiaser tamang ka agi nenoki akang akanga nokdaker” 2 Kor. 1:24.

Tsüngrem O-i ashir, nisung shia pei tamang aser mapa agi tendangtsü. Asenoki, Tsüngrem den tamang nung koda alitsü kuli kar reprangti; Alima nung tongpang aika lir, saka item ajakji meimchir atema tajung masü. Koba agi jungdaktsür, longjemdaktsür, putepdaktsür, terenlok adokdaktsür. Ibala tongpangji tajung lir. Efesa 6:10-16. Paul ama anogo shia Khrista tenüng nung tongpang tajung raratsü nüngdaker.
Khristan tenüng nung tongpang tajung raratsü nüngdaker.
Khristan taküm ya asemteper den kasa lir. Iba asemtepeba nung tazüokba nung timi asemtsü nüngdaker. 2 Tim 2:5, Tsüngrem taochi ajanga dang asen alizüng atongtsü. Alima mapa süshia, tanela mapa süshia, pai mulungba nung jajara asen alizüngji atongtsü. Asenok alizüng matongtsüsa lira koda? Alizüng tongtetba taküm ka asütsüsa asenoki Tsüngrem den tembar südi.
Ano Khristan taküm ka asoshi tamang ya kanga tongtipang lir. Tamang aika nung dang, “Tamajungba meyong mi aketba lijakjang sepdaktsütsü”. (Efesa 6:16). Alima ain aser tashi koba Tsüngrem anema lir, obaji tamangi akoktsüsa, asen tamang nung tashi itda alitsüla.
Sarasadem
Takoksang Tsüngrem! Anogo shia ne dak rangloktsü aser tamang nung jajatsü onok nem ne tangtetba agüjang. Amen