Tamangba yimsü ajak akhümtsübutsüla: RSS Gen Secy

Indore, October 24 (Agencies): Linük nung tamangba loki tsüngda mepetmesü adokba atema o atsütepba mapang ka nung tanü RSS General Secretary, Bhaiyyaji Joshi-i, ajakai tamangba yimsü ajak akhümtsübutsüla, ta ashi.
“Tamangba yimsübalala ajak nung yimya tentet balala lir, saka pei tamangba yimsü shimtsü aser benshitsü nisungtem dak temeten sadoka lir. Ajisüaka tamagba yimsü ajak akümtsübur ka asenok akumtsüla,” ta Joshi-i ashi.
International Dharma-Dhamma Conference nung ‘Ali meimchirtem welfare atema tamangba yimsü’ onük nung jembidang Joshi-i, “India nunger shisashirtemi., Tsüngremji lenmanang balala aika ajanga ajurutettsü ta jembiogo. Anungji asenok dak-a iba kasa tangatetbaji alitsüla, kechiyong tamangba yimsü ajak akhümtsübuba ajanga dang lenla ajunga nung tereblok alitsü,” ta RSS ketdangpur Joshi-i ashi.