Tamburtem/Tantsürtem Anogo 1st October

–  I.Imkong Jamir,  Retainer Lawyer,
Mokokchung District Legal Services Authority,
Mokokchung, Nagaland.

Teyanglur Tsüngremi meimchirtem taküm arishi küm balala atakzüka agütsü, yamaji Tsüngrem nüksüng nisungtemi arishi anogo küm talangka tambur/tantsur küma lir alima nungi pilar. Arishi anogotem süia aoba ama taküm shi nung shisatsü aser tashi ajak jentemer. Tantsür/tambur akümdang nüburtemi aiben mezüngoker aser tashika mapang nung bendena ayuba rongsentem rizünga mesüra kümzüka meyutetettsüsa akümer.Tashika aser shisa agi rajema aliba mapang lokti balala tenzüka aser yariba ajanga temaba jenjangi ajungketba tenüngsang agütsütsü melen parnoki tajung inyakbatem asoshi tenüngsang aser tetushi agütsütsü aser akhümtsübua tantsür/tamburtem ya arishi matem tashi nükdang tajung ka ta meteta  alitsü asoshi  asen sorkari temzüng ka tenüng agi “Tsüraburtem aser Tantsü/Tambutem anabalutsü aser Sadoka alitsü” Engraji oshi nung “Maintenance and Welfare of Parents and Senior Citizens Act, 2007.” Ibai Ministry of Social Justice and Empowerment Government of India-i 2007 küm yanglu.  Iba temzüng ajanga pei chir aser semchisemnurtemi tsüraburtem (parents) aserTetsü/teboutem (grand parents) tantsür/tambur akümdang anebalua yaritsü aser maneni pa/la rongsentem kümzüka ayutsü zülua lir. Chirnurtem aser semchisemnurtemi pei tsürabur (parents) aser parnok tsüraburtem (grandparents) manebalura mesüra sentokra parnok anabaludaktsütsü aser yaridaktsütsü (maintenance)  asoshi temeden bushitsü temzüng nung zülua lir.
Tantsü/Tambutem nükdang tajung ka, parnoki inyakba bilemtetsü aser akhümtsübu agütsütsü asoshi 1999 nung United Nations-i 1st October anogo Tantsür/ Tamburtem anogo jatet aser kasa anogo ya  asen sorkari 2007 küm nungi tenzüka amunger aser tanü tashi nung Nagaland dena state 11 agi iba temzünga agizüka amshir.
Küm 60 (sixty years) aser tema nungi tetsür/tebur ajak senior citizen alitsü aser parnok asoshi Indian sorkari tajangzüktem (benefits) lenmang aisü nung latetja lir. Item tongtibang tajangzüktemji:
1. Under Ministry of Social Welfare Department:
a.  Tantsür/tambur  old age Pension,
b.  Ain senzüdang taa (fare) nung tajemba agi alitsü (travel concession),
c.  Pa/la-i ayangtetba sen nung sorkari katitsu aliba nung tajangzuk (income tax relief)
d.  Shirangba mapang tajangzük (medical benefit),
e.  Sen kümzüka aliba nung tetemlok tali (extra interest on savings),
f.  Tantsür/tamburtem talidak yanglua lidaktsütsü asoshi lokti (NGO) balala nem sorkari sen teyari agütsüba (assistance to NGOS to maintain old age homes),
g.  Anüngdang amungdak yangludaktsür (Day care centres) aser
h.  Mapang shia temang tendanga mozü agütsütsü (Mobile Medicare units).
2. Under Ministry of Finance:
a.  Sen kümzüka aliba nung Rs. 3,00,000/ tashi sorkar taa (tax) magitsü (Income tax rebate upto Rs. 3,00,000/),
b.  Sorkari yanglua aliba nung tantsür/tamburtemi kümzüka aliba sen nung tetemlok tali agütsütsü (Higher rates of interest on saving schemes of Senior citizen).
3. Under Ministry of Road & Transport:
a.  Sorkari achayangba gari talongtsü (govt. undertaking buses/vehicles) tejaklen menden (front raw) nung  menden ana tashi wazüka yutetsü (Reservation of two seats for senior citizen in front raw of the buses of the state Road Transport undertakings).
4. Under Ministry of Health & Family Welfare:
a.  Hospital nung temang tendangtsü asoshi tenüng züluokdang tangar den külemi menoktaki züluoktetsü tajangzük (Separate queues for older persons in hospitals for registration and clinical  examination).
5. Ministry of Telecommunication:
a.  Tai mesüra timtem kar shia zülura tongtibang nisung amshiba yimya nung agizüka ayutsü (Faults/complaints of senior citizens are given priority by registering them under senior citizen category with VIP Flag).
b.  Tantsür/tambur kari telephone connection aginüra  tongtibangsüa N-OYT nung tekaraba nung inyaktsütsüla. (Senior citizens are allowed to register telephone connection under N-OYT special category which is a priority category).
6. Ministry of Railways:
a.  Train nung senzüsenpongertem asoshi train tapu ajak nung ticket alidang 30% tajemba agi alitsü. (Indian Railways provide 30% fare concession in all mail/express including Rajdhani, Shatabdi, Jan Shatabdi).
b.  Ticket alitsü shia ataba (booking), alitsü (purchase) aser ticket meyiptepdang (cancellation) counter balaka (Separate counters for booking, purchase and cancellation).
7. Ministry of Civil Aviation:
a.  India telungtet  nung tayimtsü nung senzüsenpongertem atema ticket jenjang tesadang  (50%) agi tajemba nung  tebur küm 65 aser tetsür küm 63 tema tain alirtem nem agütsür.  (In Indian Airlines, 50% discount on normal Economy class fare for all domestic flights who have completed 65 years of age in case of male and 63 years of age incase of female).
b.  Sahara tayimtsü nunga mezüng ataktetba ticket jenjang (basic fare) nung tesadang ka (50%) tajemba agi India linük telungtet nung tetsür aser tebur küm 62 tema (62 years and above) taintem nem tajangzük agütsür. (Sahara offers 50% discount on basic fare for travel on its domestic flights who have attained 62 years on economy class).
8. Ministry of Consumers Affairs, Food and Public Distribution:
a.  Sensakpu (Below Poverty Line) tia nung alir kibongtem Antyodaya scheme nung kibong shia jang aser wheat  tuozük 35 (35 Kgs at Rs 3/- and Rs. 2/- per kg) agi alitsü tajangzük agütsür. (Under Antyodaya Scheme, BPL families in which older persons are provided food grains 35 kgs per family per month at Rs. 3/- per kg for rice and Rs. 2/- per kg for wheat).
b.  Old age pension mangurtem atema Annapoorna scheme nung tenüng zülusema lira  Jang aser wheat kg 10 tashi (10 kgs of rice and wheat)  angati ita shia angutsü tajangzük agütsür.  (Under Annapoorna scheme 10 kgs of food grain per beneficiary per month are provided free of cost to those senior citizen who are uncovered under old age pension scheme).
c.  Miscellaneous: O bendangdak/okadak (courts) nung tantsur/tambur kar ken o agüja/anendaka lira, item ken-o tekaraba nung tembangtsü tajangzük agütsür. (Courts in the country accord priority to cases involving older persons and ensures their expeditious disposal).