Tambusang ainlen nungi arua Alokba den sensaksemer

Tambur : Alok, yashi-ang ainlen nungi arua nü dang masüngdangibo Nagaland osang yah hau ta magizükba agi jangjatsü atema arurako!!!
Alok : Haija, asüngdangangma, rasa ashitsü ato!!!
Tambur : Nagaland nung Opposition mali ta asüba ya komala dang ajar aser koma?
Alok : Akhidangbo, Tebur o Tetsür na kibong küma tanur arua jangratema lia aru, saka tanü asüngbo Tetsür o Tetsür na Tebur o Tebur na kibong akümba ama Nagaland sorkarji yamajidang adi. Junger ta ashir malitsü aser majunga ta ashira malitsü.
Tambur : Junger, iba dangji Tzü sülen Ango aoer ta ajar. Ano kar asüngdangdi. Nagaland tesem ishika nung lenmang yanglur ama asüba ya komaka yanglutsü tebilemba’ar na?
Alok : Iba ya na, neburtem temulung süngzükdaktsütsü mechi yanglua sayur, tatem tongabo meyanglutettsü. Kechiba süra sen mali sür nung tenzükdangerba dang ako.
Tambur : Yamaji na!!!! onokbo kanga pela liasü aji, süra ano Mokokchung nung 2040 küm ya kechi komala ka asütsü ta ?
Alok : Tejembima, iba ya na 2040 küm tashi nungjibo, taoba mapang yim o yim na, tsükong o tsükong na aser constituency o constituency na tsükchitepba aruba tu joko tsürabur o pei chir na, kiyonger o kiyonger na aser kidanger na joko keni tsükchitep tulu, nükmerem anaben agi tali akümtsü aser mokok ajitubo otsü mali ka kümer tsümar kibong nung tetsü kimalen maludangba amai asütsü aser iba mapang nungjibo pei pei sasa yimsü asütsü.
Tambur : Ajibo kanga majung atu, süra Nagaland service inyaker kar nem ita sen agüjang ta akangba ya kechiba magütsür?
Alokba : Nai memetet na???? joko Hornbill atonger, sen mali iba jagi parnok nem sen magütsüi Hornbill nung intoktsüba rizüngba agi magütsür adi.
Tambur : Kanga pelar!!!! Angatetogo…. Mangmangatokogo….. ano mapang angudang-ang arua sensaksemdi no!!!!

Lilir : SMS