Tambusangi asen state repranga melitet nung Alokba den ano sensaksemer

Tambusang : Tanü asüng kanga kara renlokbaji kechi?
Alokba : Mobile ajanga kibong nung rongrong adoktsüba ya lir.
Tambusang : Tang Nagaland nung nüburtem atema tajangzük ngua inyakba mapaji kechi?
Alokba : Sorkar mapa inyakertem January ita tashibo office-i maoba ya asütsü.
Tambusang : Tanü asüng yimtaklirtemi kechiba alu ayimtsü mejangrar?
Alokba : Taruba Nagaland Assembly election nungji parnok ajungai MLA aser Ministertem dang kümner.
Tambusang : Kechiba Talab o Rajnigandha amala kanga bulua tanur tain ajaki achir?
Alokba : Iba yagi Poknüng nung teyari agütsür aser tepok anüka odaktsür.
Tambusang : Ano tatemsa, kechiba Dimapur city nungbo Yi ayokdak dokan yamai renloka aor?
Alokba : Ibaya ya na, Shin o ka nung shia aliba ama ‘Kechi nokdanger ibaji meimchiri inyakdangner, menakdangner, kongshidangner aser amshiner”. Anungji, menokdangba tajungba asütsü.
Tambusang : Süra, asenok Naga nungerbo tenokdangba kecha mekai satok-satoka aliba tajungba sülaba na…..

Lilir : ISK, Dimapur