Tamil Nadu Angh atema Banwarilal Purohit tenangzükba agiogo

Chennai (Tamil Nadu), October 06 (Agencies): Tamil Nadu Angh menden atema tanü Raj Bhavan, Chennai nung Banwarilal Purohit tenangzükba agiogo; Madras High Court Chief Justice Indira Banerjee-i ketdangsüa pa nem tenangzükba agidakja liasü.
Tenangzükba agiba sentong nung state Chief Minister, Edappadi K. Palaniswami, Deputy Chief Minister O. Panneerselvam, Deputy Lok Sabha Speaker M. Thambi Durai, Minister of State Pon. Radhakrishnan, Speaker of State Legislative Assembly P. Dhanapal aser Opposition Lenir, M.K. Stalin nungera aden.
Kasa sentong nung Madras High Court nung judge tem, Chief Secretary Girija Vaidyanathan, DGP T.K. Rajendran aser tongti ketdangsertem dena liasü.
Purohit ya mapang talangka lokti tenzüka aru aser shisaliok aser industry nunga inyaksema aruba sülen 1977 küm yimtenren nung ajemoka liasü.
Pa mezüng 1978 küm Nagpur menden nungi takok ngua Maharashtra Assembly nung züngsem akum, aser maneni 1980 küm nunga takok angu aser 1982 küm minister akum.
1984 aser 1989 küm Purohit Lok Sabha züngsem aküm aser Parliamentary Consultative Committee of Defence Ministry züngsem inyaka liasü.
1996 küm nunga election nung takok ngua pa Lok Sabha züngsem akum aser Parliamentary Consultative Committee on Home Affairs züngsem, Standing Committee on Defence züngsem aser Public Sector Undertaking Committee züngsem liasü.
2016 küm August 17 nü India Tiri Assam Angh menden atema Purohit shima liasü.
Pai Nagpur menden nungi takok ngua asemben tashi MP inyak, aser ibaji Indian National Congress ticket nungi anaben aser BJP ticket nungi khen toktepa ta takok anguba liasü.