Tamil Nadu By election nung Congress-I metokteptsü

Chennai, June 08 (Agencies): July 27 nü Chennai, Radhakrishnan Nagar constituency by election nung Congress-i metokteptsü lemtetogo; iba menden asoshi DMK aser PMK densema tanga opposition party tema metokteper.
Tamil Nadu Assembly asoshi election agishiba menden nung ya AIADMK tongti lenir aser Chief Minister Jayalalithaa-I tokteptsü asoshi tenüng agütsüogo.
Tamil Nadu nung Congress Tir, EVKS Elangovan-i, iba by election ya tim masübaren ajanga agitsüa akok, ta shiogo.
Tanü sangdong ka ajanga pai, May 17 nü AIADMK nungi P Vetrivel-i par lenir asoshi menden azüngtetja sodi meshia liasü, aser iba constituency, by poll asoshi ketdangsertemi tang aliba tensamazüokteter, ta ashi.
Iba constituency nung sen alemer, ta paisa aitsüogo.
Iba election ya tim masübaren nung agitsü aser sen amshitsü ta tetsübu nungDMK, PMK aser MDMK densema opposition partykari iba election nung shilem magitsü, ta sangdongogo.
Jayalalithaa dak alia ano candidate pongui iba constituency nungi tokteptsü asoshi tenüng agütsüogo. Parnok rongnung K R Ramaswamy aser Dr K Padmarajan na densema lir.