Tamil Nadu election atema Congress-i manifesto sayaogo

Chennai, April 27 (Agencies): Tamil Nadu assembly election 2016 atema tanü Congress-i party manifesto sayaogo.

Osang ajanga angazükba agi, Tamil Nadu nung Congress-i parnok state sorkar tashii arura state nung jang azüokba saisapong ‘Jallikattu’ khenyongi nokdangtsü ta nangzükogo.

Tamil Nadu Congress Committee-i AICC dang nungi temelaba agiba sülen tanü party manifesto sayaa liasü. Iba sentong nung TNCC Tir, EVKS Elangovan den party lenir aika densema liasü.

State sorkar tashi nung aliba party, AIADMK tamakok ngudaktsütsü nükjidong nung state nung Congress-i DMK den loktepogo.

Iba teloktep nung DMDK densemra parnoki melamela AIADMK tamakok ngudaktsütsü, ta Congress leniri ashi.

State nung AIADMK, DMK aser BJP party temia parnok tashii arura state nung yi nokdangtsü aser Below Poverty Line (BPL) kibongtem nungi tetsürtem kibong akumtsü atema hon seret gram 8 agütsütsü, ta nangzükogo.