New Delhi, September 26 (Agencies): Tanü Karnataka sorkari Supreme Court (SC) dang September 20 nü parnoki state dang Tamil Nadu nem anogoshia Cauvery ayongtzü cusecs 6,000 agüjang ta tuyubaji reprangshitsü temepishiba ka agütsüogo.
September 20 nü Justice Dipak Misra-i aniba bench-i Karnataka dang September 27 nü tashi Tamil Nadu nem anogoshia Cauvery ayongtzü cusecs 6,000 yokang ta tuyu.
Supreme Court nem agütsüba temepishiba shidi nung Karnataka-i, Bengaluru densema state nung aliba yimtitem nem agütsütsüsa tzü peria maliba ajanga Supreme Court-i tuyuba ama meinyakteter, ta shia lir.
September 20 nüsa Supreme Court-i Centre sorkar dang Cauvery Water Disputes Tribunal (CWDT)-i benokba ama hopta pezü tsüngda Cauvery Water Management Board (CWMB) tentetang ta tuyua liasü.
September 12 nü Supreme Court-i state anaprong dang peipei state nung tensa azüoktsü tuyua liasü.
Tamil Nadu nem Cauvery tzü agütsütsü peria mali: Karnataka added by asungba on
View all posts by asungba →
You must be logged in to post a comment Login