Tamil Nadu nung IIT Madras team kati asetkong ka yanglushir

Chennai, August 04 (Agencies): 2015 küm asetkong ka tasazük 1.5 hectare dang kümer liasü, saka IIT Madras team kati iba asetkong nem tanaben taküm agüja alinük ya tuluba kümdaktsü. Nisung pongu-i aküma telok ka ajanga ‘artificial reefs’ amshia tesemar aliba ‘Vaan’ asetkong ya tasazük hectare 1.64 kümdakja küm ana nung shilem 7.6 renlokdaktsüogo. Iba asetkong ya Marine Biosphere Reserve nung lir. Tamil Nadu sorkar-i iba Vaan asetkong tesama tia-i aiba osang ya 2015 küm sangdong aser asetkong tasazük pezüsü nung shilem ka samaogo, ta ashi. 1985 küm iba asetkong tasazük hectare 16 liasü saka 2015 küm tashi nung hectare 1.5 dang aküm. Coral mining, Tuticorin jila nungi ‘biotic intrusion’ aser ango apurtemi maparen balala inyakba ajanga iba asetkong ya tilaba küma samadaktsü, ta sorkari ashi.
Iba tesema tia nungi kümzüktsü asoshi IIT Madras dang teyari meshi. Tzü telung nung aliba coral reef ya akhi ama kümdaktsütsü asoshi aser tzü ajanga ali metenzüka aoba nokdangtsü asoshi mapa inyaktsü asüngdang. IIT Madras team ajanga ‘reinforced concrete structure’ nung tapok keter aliba unit tila 9,000 amshi, ta ashi. Alima nung asetkong ka tanaben shia arudaktsüba nung concrete structure amshiba bo tang ya mezüngbuba lir.
Iba mapa asoshi IIT Madras nungi Head of Department of Ocean Engineering, Prof S A Sannasiraj-i anir Tuticorin nung aliba Suganthi Devadason Marine Research Institute ajanga iba mapa ya inyaktet.