Tamil Nadu nung PSF-i candidates sangdongogo

Chennai, March 17 (Agencies): Brihostibarnü Puthiya Sakthi Front (PSF)-i May 16 nü Tamil Nadu Assembly election atema mezüngbuba tarensen nung candidate 11 sangdongogo.

PSF nung lokti tentettem aser lanur lenirtem lir.

PSF ya Tamil Nadu nung lokti tentet 50 dak temai akümba yimtenren telok ka lir aser iba Front nung Lok Satta party, Satta Panchayat Iyakkam, All Tamilnadu Students Association aser Ilaiya Bharatham densema lir.

Delhi chief minister aser AAP tongti, Arvind Kejriwal ajanga ajungmesoa iba Front tentet. Ajisüaka Tamil Nadu election nung Aam Aadmi Party-i People’s Welfare Front nung densema tokteptsü akok. PWF nung ya MDMK, VCK aser Left party tem lir.

Tanü PSF-i mezüngbubaren sangdongba cantidate ajakji arishi küm 26 nungi 46 tsüngdapur lir. Candidate rongnung engineering graduate tema kar lir.

PSF lenirtemi ashiba agi, lokti nung ochimashi tera nungi atsütoktsü nükjidong nung item candidate tem ya parnoki lokti nung shilem tajung agiba nung ajemdaker shim.

Loksatta Party lenir, D Jagadeeswaran-i, “Onoki (PSF) state nung menden 234 prongla nung tetemsü candidate tem toktepdaktsütsü asoshi lemtetogo,” ta ashi.