Chennai, Monupii (May) 4 (Agencies): Amungnü (Deobar) Kerala nung oa National Eligibility cum Entrance Test agütsütsüpur kaketshir nem Tamil Nadu sorkari teyari agütsütsü lemtetogo.
Tamil Nadu nungi kaketshir karbo Rajasthan aser Sikkim nunga centre lemzüka lir.
State sorkari kaketshir 1,500 nem second-class train ticket den khen atema sen 1,000 teyari agütsütsü ta metetdaktsü.
Yangtepnü (Brihostibar) Supreme Court-i CBSE temepishiba ka benokba agizükba sülen TN sorkari iba osang metetdaktsü.
CBSE-i exam centre tem melenshitsü atema kanga menuadokogo ta ashiba SC-i agizük. Rongchii (April) 27, 2018 nü Madras High Court-i CBSE dang kasa state tem nung centre lemzükjang ta tetuyuba ka agütsü saka SC-i ibaji magizük.
Undergraduate aser postgraduate medical course tem atema pei state toktsür tanga state-i entrance exam agütsüi aobaji Tamil Nadu nungi kaketshirtem dang masü.
Tamil Nadu sorkari NEET kaketshir nem teyari agütsütsü added by nungsang on
View all posts by nungsang →
You must be logged in to post a comment Login