Tamlu kübok shisaliok balala nung Anemia screening camp agiogo

Longleng, Rongjui/September 26, 2019 (TYO): Rashtriya Poshan Maah mapatong shilem ka ama, Tamlu block kübok shisaliok balala nung September 26, 2019 Brehostibarnü tainlonglong tetsürtem atema Anemia Screening camp sentong ayongzüktsüba den külemi IFA Tablet agüja liasü, ta DPRO sangdong ajanga metetdaktsü.
Iba Anemia camp sentong ya ngzüktsüba den külemi St. Thomas School Tamlu aser Government High School Bura Namsang nung ayongzükja liasü.
Iba mapang St Thomas School Tamlu nungi tainlonglong tetsür 71 aser Government High School B/Namsang yimdak nungi tainlonglong tetsür 32 dak anemia ali mali tendanga liasü.
Tamlu nung Medical Team lenirji Dr. Baungan, MO PHC liasü. Iba Anemia Screening camp sentong ya Health & Family Welfare aser School Education ajanga line departments den longjemer achaayanga liasü.
Maneni, taoba mapang Anemia screening camp sentong ya Christian High School Tamlu aser GMS Kangching nung agiogo aser Longlang CDPO & Member Secretary BCAP, Tamlu Block nung züngoksema aliba school tem nung iba sentong ayongzüktsütsü, ta kasa sangdong ajanga metetdaktsüogo.