Tan hopta Ato kilonser Modi-i Britian semdangtsü

New Delhi, November 11 (Agencies): Tan hopta Ato kilonser, Narendra Modi-i Britian semdangba mapang lokti senden tulu ka nung jembitsü aser iba mapang pa pusemertemi tawa Bihar assembly election nung BJP-i tamakok anguba nungi pa tanela akasodaktsütsü südi.

November 12-14 anogotem nung Modi-i Britian semdangtsü, iba mapang nungji pai Wembley Stadium nung nisung 60,000 shi madak jembitsü.

Ato kilonseri ano BAE Systems Hawk trainer aircraft 20 shi alitsü tebilemba lir aser item aircraft ji Bengaluru nung yanglutsü.

Modi-i Britian semdangtsü mapang ana nung lia taoba mapang Deputy Ato kilonser L.K. Advani densema party lenir tain asemi, Bihar election nung tamakok kuli asüngdangbaji Modi atema tejashitsüka osang ka lir.

Britain nung India senso million 1.5 shi lir, ajisüaka Modi tashii aruba sülen ita 18 tsüngda pai alima tashi aliba United States aser China linük tama semdangaogo.