Tan ita PM Modi-i Japan semdangtsü

New Delhi, Mongputeni/October 12 (Agencies): Mongputeni/October 28-29 anogotem nung Ato kilonser, Narendra Modi-i Japan linük semdangtsü, aser iba mapang nung pai Japan Ato kilonser, Shinzo Abe den küm shia ayongzüka amenba India-Japan summit nung shilem agitsü.
Iba senden nungji linük ana tesendaktep, regional aser alima tebilemtsü onüktem nung o lemteptsü, ta tanü External Affairs Ministry-i sangdong ka ajanga metetdaktsü.
2014 küm nungi tenzüka Modi aser Abe na tsüngda tang ya 5buba summit asütsü aser senden ajak agibo 12buba asütsü.
Linük ana dak sendakba onük dak alia lenir anati Indo-Pacific region tensa densema alima dak sendakba tongtibang onük aika nung o lemteptsü.
“India aser Japan na indang Special Strategic and Global Partnership framework nung ajemdaker lenir anati anogo ananü tashi linük ana, regional aser alima onüktem nung o lemteptsü,” ta kasa sangdong ajanga metetdaktsü.
Ato kilonseri Japan semdangba ajanga linük ana tesendaktep tashi itshitsü aser lenla aika nung amalitepa inyakba tashi itshitsü, ta sangdong nung shia lir.
“Iba ya ajanga Indo-Pacific region nung yimjung aser azükaru alitsü atema India aser Japan nati nükjidong yua aliba mangdang tuluba akumtsü,” ta MEA-i kasa sangdong ajanga metetdaktsü.
India-i Japan dang nungi amphibious aircraft alizüktsü atema bilema aliba mapang ka nung Modi-i Japan semdangtsü.
India aser Japan natisa civil nuclear cooperation atema jembidar.
Yaküm nungi linük anati nuclear deal yanglua liasü.
Japan-isa Mumbai-Ahmedabad rail project atema India nem ‘Shinkansen’ (Bullet Train) technology agutsür.